ఏపీ వాహనమిత్ర స్కీమ్ 2025: మీ అప్లికేషన్ స్టేటస్ ఎలా చెక్ చేసుకోవాలో తెలుసుకోండి | Ap Vahanamitra Status 2025

ఆంధ్రప్రదేశ్‌లో ఆటో, టాక్సీ డ్రైవర్ల కోసం ప్రభుత్వం వాహనమిత్ర స్కీమ్‌ను అమలు చేస్తోంది. ఈ పథకం కింద అర్హులైన ప్రతి డ్రైవర్‌కు సంవత్సరానికి రూ.15,000 ఆర్థిక సహాయం అందజేస్తారు. ప్రస్తుతం దరఖాస్తు ప్రక్రియ పూర్తయింది, అక్టోబర్ 1న అర్హుల ఖాతాల్లో నిధులు జమ కానున్నాయి. మీ దరఖాస్తు స్టేటస్ చెక్ చేసుకోవడం ఇలా–

స్కీమ్ ముఖ్య వివరాలు

• వాహనమిత్ర పథకానికి సెప్టెంబర్ 17 నుంచి దరఖాస్తుల స్వీకరణ ప్రారంభమైంది.
• సెప్టెంబర్ 20తో అప్లికేషన్ల గడువు ముగిసింది.
• సెప్టెంబర్ 22 నాటికి సచివాలయం, మండల, జిల్లా స్థాయిలో పరిశీలన పూర్తవుతుంది.
• సెప్టెంబర్ 24న తుది లబ్ధిదారుల జాబితా విడుదల అవుతుంది.
• అక్టోబర్ 1న సీఎం చంద్రబాబు నాయుడు ఖాతాల్లో నిధులు జమ చేయనున్నారు.

మీ అప్లికేషన్ స్టేటస్ చెక్ చేయడం ఇలా

1. GSWS NBM ( https://gsws-nbm.ap.gov.in/NBM/Home/Main )  వెబ్‌సైట్ ఓపెన్ చేయండి.
2. హోమ్‌పేజీలో “Application Status” ఆప్షన్‌పై క్లిక్ చేయండి.
3. సంవత్సరం 2025-26 ఎంపిక చేసుకోండి.
4. మీ ఆధార్ నంబర్ నమోదు చేసి, క్యాప్చా ఎంటర్ చేయండి.
5. Get OTP పై క్లిక్ చేసి, వచ్చిన OTPని ఎంటర్ చేయండి.
6. స్క్రీన్‌పై మీ ప్రాథమిక వివరాలు, దరఖాస్తు స్టేటస్, రిమార్కులు కనిపిస్తాయి.
   • రిమార్క్ సెక్షన్‌లో సమస్యలు లేకుంటే మీ ఖాతాలో నిధులు జమవుతాయి.
   • ఏవైనా సమస్యలు ఉంటే, మీ దరఖాస్తు వివరాలు సరిచూడాలి.

ఈ విధంగా సులభంగా మీ వాహనమిత్ర అప్లికేషన్ స్టేటస్‌ను చెక్ చేసుకోవచ్చు. దీపావళి పండుగకు ముందు ఆటో, క్యాబ్ డ్రైవర్ల ఖాతాల్లో ఆర్థిక సాయం చేరుతుంది.