ఏపీలో కొత్త జనరిక్ మెడికల్ షాపులు – యువతకు ఉపాధి, ప్రజలకు తక్కువ ధరకే మందులు | AP Generic Medical Shops

ఇది నిజంగా యువతకు గుడ్ న్యూస్‌ 👌

ఆంధ్రప్రదేశ్ ప్రభుత్వం రాష్ట్రవ్యాప్తంగా మండలానికి ఒక జనరిక్ మెడికల్ షాప్ ఏర్పాటు చేయాలని నిర్ణయించింది. ముఖ్యమంత్రి చంద్రబాబు నాయుడు ఆదేశాల మేరకు ఈ ప్రక్రియ త్వరలోనే ప్రారంభం కానుంది. ఈ షాపుల ద్వారా పేద మరియు మధ్యతరగతి ప్రజలకు తక్కువ ధరకే మందులు అందుబాటులోకి వస్తాయి.

ప్రస్తుతం 80% మంది ప్రజలు షుగర్, బీపీ, గ్యాస్ట్రిక్ వంటి వ్యాధులతో బాధపడుతున్నారు. వీరి కోసం ప్రతినెలా మందులు కొనుగోలు చేయడం భారంగా మారుతోంది. ఉదాహరణకు బయట మెడికల్ షాప్‌లో ఒక మందుల స్ట్రిప్‌ రూ.100 – రూ.130 వరకు ఖర్చవుతుంటే, జనరిక్ షాప్‌లో అదే కేవలం రూ.20 – రూ.30 మాత్రమే అవుతుంది.

ఈ షాపులను ప్రారంభించడానికి బీఫార్మసీ, ఎంఫార్మసీ పూర్తి చేసిన నిరుద్యోగ యువత నుంచి దరఖాస్తులు స్వీకరించనున్నారు. సాధారణంగా ఒక షాప్ ప్రారంభించడానికి రూ.8 లక్షలు అవసరమవుతుంది, కానీ ప్రభుత్వం రూ.4 లక్షల వరకు రాయితీ రుణం అందిస్తుంది. అంటే కేవలం రూ.4 లక్షల రుణంతోనే షాప్ ప్రారంభించవచ్చు.

ఇలా చేస్తే నిరుద్యోగ యువతకు ఉపాధి అవకాశాలు లభిస్తాయి, ప్రజలకు కూడా తక్కువ ధరకే మందులు అందుతాయి. త్వరలోనే దరఖాస్తుల ప్రక్రియ ప్రారంభం కానుంది.

👉 ఇది యువతకు మంచి అవకాశం + ప్రజలకు ఉపశమనం కలిగించే ప్రభుత్వ పథకం.