మోదీ క్రెడిట్ కార్డు స్కీమ్ 2025 – చిన్న వ్యాపారులకు ₹5 లక్షల వడ్డీ లేని రుణం | Modi Credit Card Scheme 2025
మోదీ ప్రభుత్వం చిన్న, సూక్ష్మ, మధ్య తరగతి వ్యాపారాలను ప్రోత్సహించేందుకు ప్రత్యేక పథకాన్ని తీసుకువచ్చింది. బ్యాంకుల క్రెడిట్ కార్డుల తరహాలోనే ఇప్పుడు మోదీ క్రెడిట్ కార్డు స్కీమ్ ప్రారంభించబోతోంది. ఈ పథకం ద్వారా వ్యాపారులకు ₹5 లక్షల వరకు వడ్డీ లేకుండా రుణం అందిస్తుంది.
Udyam పోర్టల్లో నమోదు చేసుకున్న చిన్న వ్యాపారులకు ఈ క్రెడిట్ కార్డులు జారీ చేయబడతాయి. ప్రభుత్వం మొదటి ఏడాదిలో 10 లక్షల కార్డులు ఇవ్వాలని లక్ష్యంగా పెట్టుకుంది. ఈ కార్డు ద్వారా వ్యాపారులు చేతిలో డబ్బు లేకపోయినా వ్యాపారాన్ని ప్రారంభించవచ్చు, అవసరమైన వస్తువులు కొనుగోలు చేయవచ్చు. లాభాలు వచ్చిన తర్వాత రుణాన్ని తిరిగి చెల్లించవచ్చు.
ఈ కార్డుతో 45-50 రోజుల వరకు వడ్డీ లేకుండా ఖర్చు చేయడానికి అవకాశం ఉంటుంది. ఆ తర్వాత చెల్లింపుల ప్రకారం వడ్డీ నిర్ణయించబడుతుంది. EMI సౌకర్యం ద్వారా కూడా రుణాన్ని సులభంగా తిరిగి చెల్లించవచ్చు.
ఈ పథకం కోసం ప్రభుత్వం పలు ప్రముఖ బ్యాంకులతో భాగస్వామ్యం చేసింది. మోదీ క్రెడిట్ కార్డు చిన్న వ్యాపారాలకు ఆర్థిక భారం తగ్గించడంలో, వారి వ్యాపారాలను విస్తరించడంలో సహాయపడుతుందని భావిస్తున్నారు.
